Abu Rayhon Beruniy nomidagi Urganch davlat universiteti

Al-Xorazmiy nomidagi Toshkent axborot texnologiyalari universiteti Urganch filialining UrDU tarkibiga qo‘shilishi haqida rasmiy maʼlumot

✔ Rasmiy tasdiqlangan

O‘zbekiston Respublikasi Prezidentining 2025-yil 30-apreldagi PQ-160-son qarori va O‘zbekiston Respublikasi Oliy taʼlim, fan va innovatsiyalar vazirligining 2025-yil 14-maydagi 178-son buyrug‘iga asosan, Al-Xorazmiy nomidagi Toshkent axborot texnologiyalari universiteti Urganch filiali 2025/2026-o‘quv yilidan boshlab Abu Rayhon Beruniy nomidagi Urganch davlat universiteti tarkibiga qo‘shib yuborildi.

Abu Rayhon Beruniy nomidagi Urganch davlat universiteti Al-Xorazmiy nomidagi Toshkent axborot texnologiyalari universiteti Urganch filialining barcha huquqlari, majburiyatlari va shartnomalari bo‘yicha huquqiy vorisi hisoblanadi.

Asosiy o‘zgarishlar

Al-Xorazmiy nomidagi Toshkent axborot texnologiyalari universiteti Urganch filialida tahsil olayotgan barcha talabalar o‘qishini Abu Rayhon Beruniy nomidagi Urganch davlat universitetining mos bakalavriat va magistratura yo‘nalishlarida davom ettiradi.
Filial xodimlari bilan mehnat munosabatlari amaldagi qonunchilikka muvofiq rasmiylashtiriladi.
Filial bino va inshootlari Abu Rayhon Beruniy nomidagi Urganch davlat universitetiga operativ boshqaruv huquqi asosida bepul topshiriladi.
Barcha xodim, professor-o‘qituvchi va talabalar ma’lumotlari HEMIS axborot tizimiga kiritiladi.
Hududda axborot texnologiyalari, muhandislik va ishlab chiqarish yo‘nalishlari bo‘yicha qabul parametrlari bosqichma-bosqich oshirib boriladi.

Rasmiy hujjatlar

O‘zbekiston Respublikasi Prezidentining qarori

PQ-160-son | 2025-yil 30-aprel

"Al-Xorazmiy universitetini tashkil etish hamda axborot texnologiyalari sohasida kadrlar tayyorlash tizimini yanada takomillashtirish chora-tadbirlari to‘g‘risida"

Lex.uz saytida ko‘rish →

Oliy taʼlim, fan va innovatsiyalar vazirligi buyrug‘i

178-son | 2025-yil 14-may | Hujjat kodi: KX92726492

PQ-160-son qaror ijrosini taʼminlash haqida — vazir K. Sharipov tomonidan elektron raqamli imzo (ERI) bilan tasdiqlangan.

⬇ PDF yuklab olish

Qaror ijrosini tasdiqlovchi hujjatni PDF formatida yuklab olish