info@ubtuit.uz
(0362) 224 61 37

    Huquqbuzarlik

    O`zbekiston Respublikasi Prezidenti huzuridagi xavfsizlik kengashining 2019 yil 10 yanvardagi kengaytirilgan yig`ilish bayoni 14-bandiga muvofiq jinoyatchilik va huquqbuzarlikni oldini olish bo`yicha "Sirdaryo tajribasi" ni viloyat hududida keng joriy etish yuzasidan viloyat chora-tadbirlar rejasiga asosan filialda amalga oshirilgan ishlar to`g`risida ma'lumot. Biz kelajak uchun mas'ulmiz shiori ostida Xalqaro ekologiya marafoni 2019 yil 20 oktyabr sanasida viloyat hokimligi tomonidan tashkil etildi.Yugurish marafonida viloyatdagi oliy ta'lim muassasalari yoshlar ittifoqi faollari, viloyat jismoniy tarbiya va sport boshqarmasi, harbiy xizmatchilar ishtirok etdi. Marafonda filialning 100 nafar talabalari va professor-o`qituvchilari qatnashdi. Xalqaro ekologiya marafonida faol ishtirok etgan talabalar va xodimlar hamkor tashkilotlar tomonidan estalik sovgqalar bilan taqdirlandi. 10 oktyabr sanasida Tadbirkorlar va ishbilarmonlar harakati O`zbekiston Liberal-demokratik partiyasi tomonidan Avesto hiyobonida "Yangi O`zbekistonni birgalikda ko`ramiz" shiori ostida konsert dasturi tashkil etildi.Konsert dasturda filialning iqtidorli talbalari ishtirok etdi. 4 oktyabr sanasida filialning "Telekommunikasiya texnologiyalari va kasbiy ta'lim " fakultetining 931-16 guruh talabalaridan 20 nafari O`zbek turkman do`stlik uyiga tashrif buyurishdi. Yoshlarning intellektual va ijodiy salohiyati va biznes loyihalarini qo`llab -quvvatlash, rivojlantirish va bandligini ta'minlash maqsadida O`zbekiston yoshlar ittifoqi Markaziy Kengashi, O`zbekiston Respublikasi Bandlik va me?nat munosabatlari vazirligi, O`zbekiston Savdo-sanoat palatasi hamda dasturiy ta'minot mahsulotlari axborot texnologiyalari parki (IT PARK) bilan hamkorlikda Birlashgan millatlar tashkiloti taraqqiyot dasturining "O`zbekiston yoshlar bandligiga ko`maklashish" qo`shma loyihasi ko`magida "Startap-tashabbuslari" yoshlar innovasion g`oyalari va startap loyihalarini qo`llab-quvvatlash dasturini amalga oshirish maqsadida 2 oktyabr sanasida uchrashuv va taqdimotlar Urganch davlat universiteti binosida o`tkazildi. Filialning iqtidorli va iste'dodli talabalari M.Toxirov, S.Palvanova, G.Allaberganova, M.Raxmanqulova va boshqa talabalar o`zlarining loyihalari bilan ishtirok etishdi.

    TATUDA «SMART CITY» XALQARO KONFERENSIYASI BO‘LIB O‘TDI

    2019-yil 7-11-oktyabr kunlari Germaniyaning Oldenburg universiteti, TATU hamda uning Samarqand, Nukus va Urganch filiallari hamkorligida TATUda «SMART CITY» mavzusida O‘zbekiston-Germaniya xalqaro konferensiyasi bo‘lib o‘tdi. Universitet professor-o‘qituvchilari va AKT vazirligi qoshidagi soha korxonalari xodimlari uchun «SMART CITY» dasturi bo‘yicha xalqaro tajriba almashish va hamkorlikni yanada mustahkamlash maqsadida tashkil etilgan ushbu konferensiya Germaniya va O‘zbekiston olimlari, ilmiy tadqiqotchilar, ishbilarmonlari va jamoat tashkilotlarini, ilmiy-tadqiqot institutlari va universitetlari vakillarini birlashtirdi. Shuningdek, ushbu konferensiya Germaniya universitetlari va ilmiy-tadqiqot institutlari hamda jamoat tashkilotlari bilan halqaro hamkorlik o‘rnatish uchun ham katta imkoniyat hisoblanadi

    Kitobning keng dunyosi

    Muhammad al-Xorazmiy nomidagi Toshkent axborot texnologiyalari universiteti Urganch filialida yoshlar orasida kitobxonlikni targ`ib etishga qaratilgan "Kitobga qaytish" mavzuida davra suhbati bo`lib o`tdi. Davra suhbatini Yoshlar bilan ishlash, ma'naviyat va ma'rifat bo`limi boshlig`i A.Saparbaev kirish so`zi bilan ochib, bugungi kunda mamlakatimizda 2017 - 2021 yillarda O`zbekiston Respublikasini rivojlantirishning beshta ustuvor yo`nalishi bo`yicha harakatlar strategiyasi asosida barcha soha va tarmoqlarda ulkan o`zgarishlar amalga oshirilayotgani, O`zbekiston Respublikasi Prezidenti Shavkat Mirziyoev raisligida joriy yil 19 mart kunidagi "Yoshlar ma'naviyatini yuksaltirish, ularning bo`sh vaqtini mazmunli tashkil etish bo`yicha selektor yig`ilishi"da ham yoshlar ma'naviyatini yuksaltirish, ular o`rtasida kitobxonlikni keng targ`ib qilish bo`yicha tizimli ishlarni tashkil etish belgilab berilgani shu munosabat bilan filialda hamkor tashkilotlar bilan birgalikda Kitobga qaytish mavzuida O`zbekiston Musulmonlari idorasi viloyat vakili X.Abdullaev fikr bildirdi. U islom dini ilk boshdanoq jaholatga qarshi ma'rifat bilan kurashgan din ekani, Qur'oni karimning ilk oyati ham "O`qi!" degan so`z bilan jaranglashi, dinimiz birinchi oyatidayoq o`qishga, mutolaa qilishga, yozishga chorlashi, qur'on so`zining ma'nosi ham "o`qish" ekani, mana shuning o`zidan muqaddas dinimiz ta'limotlarida o`qish, mutolaa qilishga bo`lgan e'tibor va ahamiyat naqadar buyuk ekanligini bilish mumkinligi ta`kidladi. Kun tartibidagi ikkinchi masala yuzasidan, O`zbekiston yozuvchilar uyushmasi viloyat bo`linmasi boshlig`i G.Ibodullaeva, kitob o`qishning foydasi mo`l, barakasi behisobligi, avvalo o`qish va mutolaa turli-tuman madaniyatlar va bilimlarni o`rganish uchun insonga asosiy ko`prik bo`lib xizmat qilishi, dunyoqarashi, madaniy saviyasi shakllantirishi, undan tashqari kishi ko`p o`qigan sari bilimi oshib boraverishi, hamma sohadan ma'lum ma'noda xabari bo`lishi, natijada atrofidagilar uchun ham qiziqarli suhbatdosh, to`g`ri maslahatgo`y va yordamchiga aylanishi, kitob ezgulikdan, oliyjanoblikdan, mardlikdan hikoya qilishi, ma'naviyatni oshirishi, tubanlik,nomardlik, razolat va xiyonatning qabih yuzini ochib berishi, bunday yomon xulqlarga qarshi qalbda nafrat uyg`otishi, shu bois yoshlarimizni kitobga mehrli qilib o`stirish ma'naviy va tarbiyaviy jihatdan ham muhim ahamiyatga molik ekani to`g`riisda ma'ruza qildi. Shundan so`ng, Xorazm" nashriyoti direktori T.Tangriberganov Xorazm nashriyoti tomonidan nashr qilingan Gogolning mangulikka hamnafas asari "Revizor" komediyasi yozilishi tarixi to`g`risida so`z yuritdi hamda "Revizor"ning yangi nashri kitobxonlarga manzur bo`lishini aytib, nashriyot nomidan filial Axborot resurs markaziga 2 nomdagi N.V.Gogolning "Revizor", R.Otaboevning "Avg`on saboqi" kitoblarini sovg`a qildi.

    TATU Urganch filialida birinchi bosqichga qabul qilingan talabalar va magistrlar uchun "Talabalikka bag'ishlov" tadbiri tantanali ravishda nishonlandiTU Urganch filialida birinchi bosqichga qabul qilingan talabalar va magistrlar uchun "Talabalikka bag'ishlov" tadbiri tantanali ravishda nishonlandi

    TATU Urganch filialida 4 sentyabr kuni oliy ta'limga qabul qilingan talabalarni tabriklash tadbiri bo'lib o'tdi. Oliy ta'lim muassasalariga qabul qilingan talabalarni tabriklash tadbiri "Talabalikka bag'ishlov" deb nomlanib, an'anaviy tarzda har yili sentyabr oyida oliy ta'lim muassasalari tomonidan tantanali ravishda, yuqori saviyada o'tkaziladi.Shu qatorda TATU Urganch filialida ham "Talabalikka bag'ishlov" tadbiri keng nishonlandi. Tadbirda ommaviy axborot vositlari, televideniye hodimlari ham ishtirok etdi.

    Bizning manzil

       3 - йўналишдаги автобуснинг Ал-Хоразмий бекати