info@ubtuit.uz
(0362) 224 61 37

    “Informatika” fanidan mintaqaviy fan olimpiadasining hududiy bosqichi

    “Informatika” fanidan mintaqaviy fan olimpiadasining hududiy bosqichida  Muhammad al-Xorazmiy  nomidagi Toshkent  axborot Texnologiyalari  universiteti  Urganch  filiali  talabalari faol qatnashib, faxrli  o’rinlarni egalladilar.

    Boltabayev Nazarbek Kamoladdin o’g’li  1-o’rin

    Rahimov Muhammad Shuxrat  o’g’li   2-o’rin

    Sobirov Jahongir Shavkatovich   3-o’rin

     

     

       

    Open Data Challenge-2018 (Xakaton) — ochiq ma’lumotlardan foydalangan holda ilovalar ishlab chiqish bo‘yicha an’anaviy tanlov

    Joriy yilning 30-noyabridan 2-dekabriga qadar poytaxtimizda Open Data Challenge-2018 (Xakaton) — ochiq ma’lumotlardan foydalangan holda ilovalar ishlab chiqish bo‘yicha an’anaviy tanlov bo‘lib o‘tadi.

    Tanlov O‘zbekiston Respublikasi Axborot texnologiyalari va kommunikatsiyalarini rivojlantirish vazirligi tashabbusi va qo‘llab-quvvatlashi ostida “Elektron hukumat” tizimini rivojlantirish markazi, Toshkent shahridagi Inha universiteti, YXHTning O‘zbekistondagi loyihalari kordinatori, BMT Taraqqiyot dasturining O‘zbekistondagi vakilligi, Jahon bankining Toshkentdagi vakilligi tomonidan tashkil qilinmoqda.

    Tanlov hamkorlari – “UZINFOCOM” MChJ yagona integratori, “Xabar” gazetasi va “ICT News” hamda “InfoCOM.UZ” jurnallari .

    Open Data Challenge tanlovida ishtirokchilar ochiq ma’lumotlardan foydalanib, aniq belgilab berilgan muddat ichida abstrakt g‘oyalarni yangi veb yoki mobil xizmatlarning tajriba namunalariga yoki alfa-ko‘rinishlariga keltirishadi.

    Uch kun davomida Open Data Challenge-2018 ishtirokchilari jamiyatning barcha jabhalari – moliya, transport, ta’lim, axborot texnologiyalari, sog‘liqni saqlash, ekologiya va boshqa yo‘nalishlarda foydali bo‘lgan yangi loyihalarni taqdim etadilar.

    Open Data Challenge-2018 tanlovida ishtirok etish bepul. Faqatgina qatnashchilar ro‘yxatdan o‘tishi talab etiladi. Tashkilotchilar ishtirokchilarni internet bilan ta’minlab, ishlash uchun qulay sharoit yaratib berishadi.

    Xakaton natijalari bo‘yicha quyidagi nominatsiyalarda g‘olib va sovrindorlar aniqlanadi.

    1. “Aqlli shahar” uchun ochiq ma’lumotlarga asoslangan eng yaxshi loyiha (mobil yoki veb-ilova);
    2. Ochiq ma’lumotlarga asoslangan eng yaxshi biznes loyiha (mobil yoki veb-ilova);
    3. Ochiq ma’lumotlarni generatsiyalash (transformatsiyalash) buyicha eng yaxshi loyiha (mobil yoki veb-ilova).

    Shunday qilib, mobil va veb-ilovalar tadbirning moddiy mahsuli bo‘ladi. Loyihalarni ishlab chiqishdan tashqari, Xakaton doirasida dasturchilar uchun ochiq ma’lumotlar bilan ishlashga oid treninglar bo‘lib o‘tadi.

    Xakaton natijalariga ko‘ra birinchi, ikkinchi va uchinchi o‘rinni olgan ishtirokchilar qimmatbaho sovrinlar bilan taqdirlanadi.

    Bu yilgi tanlovda Gran-pri ham ko‘zda tutilgan – eng yaxshi deb topilgan jamoa Madrid shahridagi (Ispaniya) Xalqaro konferensiyaga yo‘llanma oladi. Gran-pri sohibi Ekspert hakamlar tomonidan uch yo‘nalishda birinchi o‘rinni olganlar orasidan tanlab olinadi.

    Tanlovda ishtirok etish uchun quyidagi havola bo‘yicha ro‘yxatdan o‘tish lozim: https://data.gov.uz/ru/challenge/register.

    Shunindek, Facebook tarmog‘idagi https://www.facebook.com/OpenDataChallenge/ sahifasida ham kerakli ma’lumotlar taqdim etilgan.

    Tadbir o‘tkaziladigan sanalar:

    Ro‘yxatga olish – 25-noyabrgacha.

    Open Data Challenge 2018 treninglar va konferensiya kuni – 30-noyabr.

    Open Data Challenge 2018 Xakaton kunlari – 1-2-dekabr.

    Taqdimotlar va g‘oliblarni aniqlash – 2-dekabr.

    G‘oliblarni taqdirlash marosimi – 7-dekabr.

    O‘tkazilish joyi: Toshkentdagi Inha universiteti (Mirzo Ulug‘bek tumani, Ziyolilar ko‘chasi, 9)

    Manba: mitc.uz

    “Iqtidorli yoshlar” Respublika forumida yangi isteʼdodlar kashf etildi




    Joriy yilning 15 oktyabr kuni poytaxtimizdagi Yoshlar ijod saroyida Oʻzbekiston yoshlar ittifoqi tashabbusi bilan tashkil etilgan “Iqtidorli yoshlar” Respublika forumi o'tkazildi. Filialimiz talabalari Palavanova Sevara, Mengliev Davlatyor, Artikboev Muhammadlar forumda faol qatnashib sertifikat bilan taqdirlandilar. Filialimiz jamoasi  bilimdon talabalarimizning erishgan yutuqlari bilan qutlaydilar!

    Қиз бола-бўлғуси оила бекаси, келажагимиз эртасидир

     

    11-октябр «Халқаро қизлар куни»муносабати билан Ўзбекистон ёшлар иттифоқи ҳамда Ўзбекистон хотин- қизлар қўмитаси  билан биргаликда“Қиз бола-бўлғуси оила бекаси, келажагимиз эртасидир”шиори остида байрам тадбири бўлиб ўтди.  Тадбирда Мухаммад ал-Хоразмий номидаги ТАТУ Урганч филиали иқтидорли талабаси  Полванова Севара ўзининг иннавацион лойиҳалари билан фаол қатнашиб,вилоят ҳокими ўринбосари, хотин-қизлар қўмитаси раиси Г.Курбанбаева, Ўзбекистон ёшлар иттифоқи Хоразм вилоят Кенгаши раиси М.Машарипов  тамонидан фахрий ёрлиқ билан тақдирланди.

    “Иқтидорли ёшлар” республика форуми


     

    Мамлакатимизда таълим олаётган иқтидорли ёшлар ташаббусларини қўллаб-қувватлаш, иқтидорларини намоён этишига имконият яратиш, инновацион лойиҳаларини амалиётга тадбиқ этиш мақсадида 15 октябр санасида “Иқтидорли ёшлар” республика форуми Тошкент шаҳрида ўтказилди. Форумда Муҳаммад ал-Хоразмий номидаги Тошкент ахборот технологиялари университети Урганч филиалининг 922-16 гуруҳ талабаси С.Палванова “МеdApр” лойиҳаси, 914-15 гуруҳ талабаси Д.Менглиев “Delevery system” лойиҳаси, М.Артикбоев "Ардуино асосида автоматик ёритиш тизимини ишлаб чиқиш" лойихаси бўйича қатнашдилар.