Filial kadrlar bo'limi filialning tarkibiy bo'limi hisoblanadi. Kadrlar bo'limi filial Ustaviga, O'zbekiston aloqa axborotlashtirish va telekommunikatsiya texnologiyalari davlat qo'mitasi, Oliy va o'rta maxsus ta'lim vazirligi, Toshkent axborot texnologiyalari universiteti buyruq va ko'rsatmalariga amal qiladi. O'zbekiston Respublikasi qonunlari Kadrlar tayyorlash milliy dasturini, Prezident Farmonlarini, Vazirlar Mahkamasining ta'lim va yosh avlodni tarbiyalash, bilim berish haqidagi qarorlarini amalda qo'llangan holda filial rahbariyati bilan birgalikda filialga kerakli mutaxassislikka va kvalifikatsiyaga ega bo'lgan, ish saviyasi uslubi talabga javob bera oladigan professor-o'qituvchi va xodimlar bilan ta'minlashni tashkil etadi.


Kadrlar bo'limi tarkibida ish turi quyidagidan iborat:
Professor-o'qituvchi, o'quv yordamchi, ma'muriy-boshqaruv va xizmat ko'rsatuvchi xodimlar tarkiblari bilan ishlash.
Kadrlar bo'limi xodimlari vazifalari:
a) ma'muriy-boshqaruv, muhandis-texnik, professor-o'qituvchilar tarkibi, o'quv yordamchi va ekspluatatsion-xo'jalik bo'limlari rahbarlari va xodimlari bilan hamkorlikda ish olib boradi;
b) filialga barcha toifadagi xodimlarni ishga qabul qilish, boshqa ishga o'tkazish va ishdan bo'shatishni rasmiylashtiradi;
v) filial xodimlari barcha toifalarining belgilangan shaklda va ma'lumotlarga ishlov berishni takomillashtirgan holda shaxsiy statistik hisobotini olib boradi:
g) filial ilmiy-pedagogik xodimlari shaxsiy jildini yuritadi;
d) mehnat daftarchasi tutadiva ularni hisobga oladi, saqlaydi:
j) xizmat safariga ketayotgan shaxslarga buyruq tayyorlab, jo'nash varapqalarini rasmiylashtiradi;
e) filialning barcha toifadagi xodimlariga shaxsiy guvohnoma va bildirishnomalar beradi;
i) boshlang'ich kasaba uyushma qo'mitasi qoshidagi nafaqa masalalari bo'yicha komissiya bilan birgalikda filial xodimlariga nafaqa tayinlash uchun kerakli hujjatlarni tayyorlaydi;
k) filial tarkibiy bo'limlariga mehnat tartibi va mehnat qonunchiligiga rioya qilishda yordam berishni amalga oshiradi.

Kadrlar bo'limi filial tarkibiy bo'limlarida shtat jadvali tarkibiga moliyaviy rioya qilinishini nazorat qiladi va aniqlangan kamchiliklarni bartaraf etish choralarini ko'radi
Kadrlar bo'limi xodimlari o'z ish malakalarini oshirib borishga , mehnat qonunchiligini bilishga, ichki mehnat tartib Qoidalarini bajarishga majburdirlar.
Kadrlar bo'limini filial direktori tayinlagan boshliq boshqaradi.
Kadrlar bo'limi boshlig'i lavozimiga odatda oliy ma'lumotli kamida besh yillik ish stajiga ega bo'lganlar ishga qabul qilinadi.
Kadrlar bo'limi, bo'lim va filial nomlari yozilgan, kadrlar bo'limi boshlig'i qo'lida turadigan dumaloq muhrga ega.