info@ubtuit.uz
(0362) 224 61 37

Axborot-resurs markazi

admin | 2013-12-03 | 1174

Axborot-resurs markazi

Ma'lumki, filial Axborot-resurs markazi O'zbekiston Respublikasi Prezidentining 2006 yil 20 iyundagi PQ-371-sonli “Respublika aholisini axborot-kutubxona xizmati bilan ta'minlashni tashkil etish to'g'risida”gi qaroriga asosan tashkil qilingan. TATU Urganch filiali axborot-resurs markazida “Axborot-kutubxona faoliyati to'g'risida”gi O'zbekiston Respublikasi Qonunining ijrosini ta'minlash borasida tegishli chora-tadbirlar rejasi ishlab chiqilib, axborot-resurs markazi faoliyatini rivojlantirish, zamonaviy axborot-kommunikatsiya texnologiyalarini joriy etish asosida axborot-resurs markazining samarali faoliyatini ta'minlash, yosh avlodni intellektual extiyojlarini qondirishga, qaratilgan yangi tizimni yaratish borasida ancha ishlar amalga oshirilgan. Markaz o'z faoliyatini kutubxona to'g'risidagi Nizom, lavozim yo'riqnomalari, kutubxona qoidalari, yillik ish rejasi, ma'naviy-ma'rifiy tadbirlar rejasi asosida olib boradi. Yuqoridagi qaror va 2011 yil aprelda chiqqan “Axborot-kutubxona faoliyati to'g'risida”gi qonun zamonaviy kutubxona faoliyatini olib borishni qonunan belgilab bergan hujjat hisoblanadi Bundan tashqari, O'zbekiston Respublikasi Prezidentining 2011 yil 11-fevraldagi PQ1487-sonli qarori hamda qaror ijrosini ta'minlash yuzasidan ishlab chiqilgan “Nazorat rejasi to'g'risida”gi O'zbekiston Respublikasi aloqa, axborotlashtirish va telekommunikatsiya texnolgiyalari Davlat qo'mitasining buyrug'iga asosan axborot-resurs markazining “2011-2015 yillarda axborot kommunikatsiya texnologiyalari asosida axborot yanada sifatli rivojlantirish” rejasi hamda Vazirlar mahkamasiing 2011 yil 198-son qaroriga hamda qaror ijrosini ta'minlash yuzasidan Oliy va o'rta maxsus ta'lim vazirligining 2011 yil 284-sonli buyrug'iga asosan TATU Urganch filiali axborot-resurs markazida to'liq matnli elektron axborot-kutubxona fondini yaratish reja jadvali ishlab chiqilgan va basqichma-bosqich amalga oshirish ishlari olib borilyapti. Fondda mavjud adabiyotlarning 50%idan oshig'i ya'ni darsliklar, o'quv-qo'llanmalar va boshqa matnli nashrlar elektron ko'rinishga o'tkazilib, kutubxona elektron bazasiga joylashtirilgan. Ularni elektron ko'rinishga o'tkazishda asosan maxsus fine reader dasturidan foydalanib skaner qilinyapdi va bu jarayon davom etyapdi. ARMda 2 ta xodim 1 stavkadan ishlaydi, bittasi oliy, bittasi o'rta maxsus ma'lumotga ega. ARM xodimlarining axborot texnologiyalaridan foydalanish bo'yicha malakasini oshirish ishlari yo'lga qo'yilgan. Kutubxonadan foydalanuvchilar soni 678 tani tashkil qiladi. Bular talabalar, professor-o'qituvchilar va ishchi xodimlar. Ayni vaqtda TATU Urganch filiali tarkibida faoliyat yuritib kelayotgan axborot-resurs markazi fondida 1752 nomda 6172 dona adabiyot mavjud. ARM o'z maqsad vazifalaridan kelib chiqqan holda 2013-2014 o'quv yili uchun vaqtli nashrlarga obuna tashkil qilingan. Undan tashqari muntazam fondimizning adabiyotlar jamg'armasi shakllanib bormoqda. Filial axborot-resurs markazi nizomida belgilangan talablar asosida o'z faoliyatini yuritib kelmoqda, markaz 40 o'rinli o'zquv zali, abonament bo'limi, elektron o'quv zalidan iborat va bu xonalarda, eng so'ngi rusumdagi 13 ta kompyuter, 1 ta skaner, 1ta printer mavjud. Kompyuterlarning hammasi internetga ulangan va ularga bazada mavjud 1500 dan oshik resurslar joylashtirilgan. Ulardan barcha talabalar, professor-o'qituvchilar va barcha kitobxonlar bemalol foydalanish imkoniyati yaratilgan. ARMda ARMAT dasturi mavjud bo'lib dasturga xozirgi kungacha 528ta bibliografik yozuvlar joylashtirilgan. ARMda foydalanuvchilar bilan ishlashni yangi axborot texnologiyalaridan foydalanish shakl va usullarini joriy qilish yuzasidan bir qancha ishlar amalga oshirilgan bo'lib, o'zlariga kerakli axborot va adabiyotlarni internet, “ziyonet” tarmog'i, ta'lim portallari, boshqa oliy ta'lim muassasalari kutubxonalari bazasi hamda chet el oliygohlari kutubxonalari bazalaridan bemalol olishlari mumkin.