info@ubtuit.uz
(0362) 224 61 37

    “Ёш сиёсатчи” кўрик-танлови

    Ўзбекистон Халқ демакратик партияси Марказий кенгаши “Истиқбол” ёшлар қаноти томонидан ҳар йили анъанавий тарзда “Ёш сиёсатчи” кўрик-танлови ўтказилиб келинмоқда. Мазкур кўрик-танловнинг Урганч шаҳар босқичи жорий йилнинг 17 май куни Урганч саънат коллежи биносида ўтказилди. Кўрик-танловда Муҳаммад ал-Хоразмий номидаги Тошкент ахборот технологиялари университети Урганч филиали “Компьютер инжиниринги” факультети талабаси Бабажанов Мамуржон Маҳсудович қатнашиб 1-даражали диплом билан тақдирланди.

    Muddatli harbiy xizmatni o’tab imtiyoz asosida o’qishga qabul qilingan talabalar rag'batlantirildi

    O‘zbekiston Respublikasi Prezidentining 2017-yil 5-iyulda “Yoshlarga oid davlat siyosati samaradorligini oshirish va O‘zbekiston yoshlar ittifoqi faoliyatini qo‘llab-quvvatlash to‘g‘risida”gi farmoni, 2017-yil 18- iyuldagi “O‘zbekiston yoshlar ittifoqi faoliyatini takomillashtirishga doir kompleks chora-tadbirlar to‘g‘risida Qarori qabul qilingan edi.

    Ushbu Qaror va Farmonning ijrosini ta'minlash maqsadida O’zbekiston Yoshlar Ittifoqining faol a'zosi hamda 86% va undan yuqori reyting ball to'plagan filialning 11 nafar talabasiga to'lov-shartnoma pulining 35 foiz miqdori to'lab berildi!

    Muddatli harbiy xizmatni o’tab imtiyoz asosida o’qishga qabul qilingan talabalardan 29 nafarining to'lov-shartnoma pulining 35 foiz miqdori to'lab beriladi!

    O‘zbekiston yoshlar ittifoqi ta’lim granti bo’yicha filialning bir nafar talabasini Ikkinchi yarim yillik to’lov shartnoma mablag’ining 86.1 % miqdori to’lab beriladi!

    Rahmat Muhtaram Prezidentimizga!

    Биз чемпион шиори остида ўтказилган МЕГА СПОРТ мусобақаси






    26-27 март санасида Тошкент шаҳрида ўтказилган «Биз чемпион» шиори остида йўл тўсиғидан ўтишда жамоалар ва индивидуал иштирокчилар ўртасидаги анъанавий «Мега спорт» мусобақасида фаол иштирок этганлиги учун Муҳаммад ал-Хоразмий номидаги Тошкент ахборот технологиялари университети Урганч филиали талабалари фахрий ёрлиқ билан тақдирландилар.

    Дастурлаш бўйича танлов ўтказилди





    Ўзбекистон Республикаси Ахборот коммуникация технологиялари ва информатикага оид таълим йўналишлари мавжуд олий таълим муассасалари талабалари ўртасида дастурлаш бўйича 26 февраль санасида жамоавий олимпиада ўтказилди. Олипиадада 26 жамоа иштирок этишди.
    Филиалнинг TUIT Urgench branch # 1 жамоаси (Қ.Ибодуллаев, М.Давранов, М.Рахимов)лар 2-ўринга эга бўлишди.
    TUIT Urgench branch # 2 жамоаси (Х.Эгамов, Ж.Собиров, А.Қувандиков) 4-ўринга эга бўлишди.

    KAIST da ta’lim olish uchun hujjat topshirishi mumkin

    Muhammad al-Xorazmiy nomidagi Toshkent axborot texnologiyalar universiteti hamda Korea ilg‘or fan va texnologiyalar instituti (KAIST) bilan o‘zaro Anglashinuv memorandumiga asosan 2018 yil kuzgi semestrdan talabalar almashinuvi dasturi (Exchange Program) asosida bakalavr hamda magistraturada ta’lim olayotgan talabalar KAIST da ta’lim olish uchun hujjat topshirishi mumkin.
     
    Hujjat topshirish uchun quyidagi talablarni ma’lum qilamiz:
     
    • Baklavr yo‘nalishdagi talabalar 3 bosqich bo‘lishi lozim.
    • Magistrlar 1 bosqich bo‘lishi lozim.
    • Talabaning fanlarning o‘zlashtirish darajasi 80% dan yuqori bo‘lishi lozim.
    • Ingliz tilini bilish darajasini tasdiqlovchi hujjat IELTS 6.0 dan past bo‘lmasligi shart.
    Hujjatlarni topshirish muddati: 15 mart 2018 yil
     
    Xohlovchilar TATU A-bino 230-xona Xalqaro aloqalar bo‘limiga hujjatlarni taqdim etishingiz so‘raladi.
     
    Tel:235-09-00
     
     
    Manba: tuit.uz